(1)
มองเพิ่นเผินๆ
บอกเพิ่นแน
ไวเข่า
มีแต่ผีบ้าบ่พอปัว
ที่คิดไปฆ่าแกงผู่อื่นเอาผลผะโหยด
มีแต่คนป่วงคนเปรต
ที่คิดได้แค่ว่า กูต้องชนะๆ
มีแต่ผีห่าซาตานโหดฮ่ายที่ใช้กำลังบีบคอผู่อื่น
ฝากบอกเพิ่นแน
มาตกกล้า หลกกล้า ดำนาพอไฮ่
มาเกี่ยวข้าวจักท่ง
มาตากแดดตากฝนจักสิบฮอบซาวฮอบ
สาก่อนเดอ
สิได้เข้าใจหัวอกพี่น้อง
ว่าเพิ่นลำบากกันแฮงปานใด๋แนวใด๋ส่ำใด๋
ฝากไปบอกเพิ่นแน
ซุมเดียวกันนั่นน่ะ
ฟ่าวๆ เดอ
หลู่โตนพี่น้องป้องปายผู้ตกทุกข์ได้ยาก
จากหัวบักโมบักแตงบ่มีเส้นใยประสาทคึดอ่าน
จากกะโหลกกะลาบ่มีแก่นแกนมนุษย์มะนา
ฟ่าวๆๆๆๆๆๆๆๆๆ เข่า
ซุมเดียวกันนั่นน่ะ
(2)
หลายวันหลายด้าน
มุมมองใหม่มี
โอเหตุใดเล่า
ใครบีบคั้น ใดทับเทิน
เพิ่นจึงจำใจก่อการ
สงครามตัวแทนใคร
ใครได้ใจ ใครได้กำไรและคงอำนาจ
คล้ายทะเลกับภูผาตระหง่าน
แต่เราไม่อาจมองเห็น
---
ทางหอม
Fri.08.04.2022/2565
ชวนไปฟังผญาฮัก ต้านสงคราม
