หัวใจดวงหนึ่ง
บานแบ่งดั่งพั้วดอกสะหมั่ง
หอมปานกะยอมเดือนสาม
ใสคือน้ำค้างอยู่ใบหญ้าเคียแดงเลื้อยเกาะก่ายตอเฟียง บ่อนนั่น
จำจื่อคำผญา
"เฮือคาแก้ง เกวียนเห็นให้เกวียนแก่
บัดเทื่อฮอดแม่น้ำ เฮือสิได้แก่เกวียน"
"กากินปลิงไปคาคอแฮ่ง เฮือคาแก้งไปล่มเคิ่งวัง"
จำจื่อ
เถียงนา
พักเซาเนาหยั้ง
คันแทนา
เลาะลัดเลี้ยง เล่น ลำร้อง
แจนา
ปลาข่อน หอมผักกะแยง
ป่าหัวนา
เห็ดขอน เห็ดหนา เห็ดไค เห็ดน้ำหมาก ผักติ้ว เคยเก็บ
โพนตีนป่ากะยอม หมากเล็บแมว ลอมคอม เคียหมากอีโก่ย ส้มลม
ปลูกผักบั่วเขียวงามมีดอก ลมหนาวสะท้าน
จำจื่อ
โลกของธรรมชาติวาดแต้ม แต่งใจ
โลกที่บ่มีคน!
|ทางหอม
ศ.18.12.2563
