ยืนพื้นต่างกัน

สุดที่อ่าวโอ้

คล้ายเสาะหาเครือมัดฟืนจากท่งแปน

ให้คนขาสั้นยื้อสูง

ให้คนขายาวย่อต่ำ

ให้คนอ้วนแล่นหัน

ให้คนจ่อยแบกโค่นฟืนใหญ่

ให้หัวใจอ่อนโยนเล่นบทโหด

ให้แววตาอาทรเปลี่ยนเป็นแดงก่ำ

ให้ก้าวสม่ำเสมอซอยถี่ๆ

ให้หมากหมี่เหมิดยางขาวข้น

ให้มื้ออื่นบ่มี

ให้ข้าวในดินชุ่มบ่แตกหน่อ

ต่างยืนยัน

บนแผ่นพื้นเฉพาะ

ยืนหยัดส่ำกกส้มแบง

ยืนบานดั่งกกกะยอม

ยืนหอมคือกกมันปา

ต่างพื้นต่างเฝ้า

เนาสร้างแต่งคอง...

ทางหอม | คำแต้มปี 63